ވޮލީ ބޯޅަ އެސޯސިއޭޝަން އޮފް މޯލްޑިވެސް (ވީއޭމް) އިން ކުރިޔަށްގެންދާ، ރާއްޖެ ޖޫނިއަރ ވޮލީބޯޅަ ޗެމްޕިއަންޝިޕް 2026 ގެ 19 އަހަރުން ދަށުގެ ފިރިހެން ޑިވިޝަންގެ ސެމީފައިނަލްގައި އިހަވަންދޫ ސްކޫލް މިރޭ ކުޅޭނެއެވެ. މިރޭ 20:00 ގައި އެކުވެނި ޓާފް ކޯޓްގައި ކުޅޭ މިމެޗް ގައި އިހަވަންދޫ ސްކޫލް ނުކުންނާނީ ސީއެޗްއެސްއީ ހުޅުމާލެ އާއި ދެކޮޅަށެވެ.
އިހަވަންދޫ ޓީމް މިމުބާރާތުގެ ސެމީ ފައިނަލަށް ދަތުރުކުރީ ގްރޫޕްގެ ދެވަނަ ޓީމްގެ ގޮތުގައެވެ. އެޓީމް ގުރޫޕް ސްޓޭޖްގައި ކުޅުނު ފުރަތަމަ މެޗްގައި 3-2 ސެޓް އިން ވިލާ އިންޓަރނޭޝަނަލް ހައި ސްކޫލް ބަލިކުރިއިރު، ގްރޫޕް ސްޓޭޖްގެ ފަހު މެޗްގައި މަދަރުސަތުލް އިފްތިތާހާއި ވާދަކޮށް 3 ސެޓްއިން ބަލިވެފައެވެ.
