އިހަވަންދޫ ފިޝް ކަލެކްޝަން ފެސިލިޓީއަށް ބޭނުންވާ ބަނދަރު ތަރައްޤީކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާ ހަވާލުކުރީ، 17 އޯގަސްޓް 2023 ގައެވެ. އެމަސައްކަތް އެކުންފުންޏާ ހަވާލުކުރީ 60.26 މިލިއަން ރުފިޔާގެ އަގަކަށް 500 ދުވަހުގެ ތެރޭގައި މަސައްކަތް ނިންމާގޮތަށެވެ.
އެބަނދަރުގެ މަސައްކަތް 25 މެއި 2025 ގައި އެމްޓީސީސީ އިން ފެށިއެވެ. ގިނަބަޔަކު ދެކޭ ގޮތުގައި އެމްޓީސީސީ އިން ކަޓަރ ސެކްޝަން ޑްރެޖަރެއް ބޭނުންކޮށްގެން ބަނދަރު ފުންކުރުމުގެ މަސައްކަތް ފެށީ، ކޮންމެހެން ބަނދަރުގެ މަސައްކަތް ނިންމުމުގެ މަޤްސަދުކު ނޫނެވެ. އެކުންފުނިން ބޭނުންވީ ބަނދަރު ފުންކޮށްގެން ނަގާ ވެލިކޮޅެވެ.
ކަންވީވެސް އެހެންނެވެ. އެސަރަހައްދުން ނެގި ވިލި އެޅީ، އޭރު އެކުންފުނިން ބިންހިއްކުމުގެ މަސައްކަތް ކުރަމުންއައި ސަރަހައްދު ފިލް ކުރުމަށެވެ. އެއީ ފިޝް ކަލެކްޝަން ފެސިލިޓީގެ ބަނދަރުގެ އީ.އައި.އޭ ހީލާފަށް އެކުންފުނިން ހިންގި ޖަރީމާއެކެވެ.
ބޭނުން ވާވަރަށް ވެލި ލިބުމާއިއެކު، ބަނދަރު ހެދުމުގެ މަސައްކަތް ނިންމާލައި އެކުންފުނީގެ ޑްރެޖަރ ވަނީ ގެންގޮސްފައެވެ. އެކުންފުނިން އޭރު ފުންކުރި ސަރަހައްދު މިހާރު ތިލަވެފައި ވާއިރު، އެކަމުގެ ސަބަބުން އިހަވަންދޫގެ އިރުމަތީ ފަރާތުން 712 މީޓަރުގެ ސަރަހައްދެއް ގިރާފައިވާކަމަށް އިހަވަންދޫ ކައުންސިލުން ބުނެއެވެ.
އިހަވަންދޫގައި ހަދާ ކޯލްޑް ސްޓޭޖް ފެސިލިޓީގެ ބަނދަރު ހެދުމަށް އެމްޓީސީސީ އިން، ކަޓަރ ސެކްޝަން ޑްރެޖަރ ބޭނުންކޮށްގެން ފަޅު ފުންކުރުމުގެ ސަބަބުން، އިހަވަންދޫގެ އިރުމަތީ ފަރާތަށް ދިމާވެފައިވާ ތިމާވެށީގެ މައްސަލަތައް އީޕީއޭގެ ސަމާލުކަމަށް އިހަވަންދޫ ކައުންސިލުން ގެނެސްފިއެވެ.
އިހަވަންދޫގައި ތަރައްޤީކުރުމަށް ނިންމާފައިވާ ފިޝް ކަލެކްޝަން ފެސިލިޓީއަށް ބޭނުންވާ ބަނދަރު ތަރައްޤީކުރުމުގެ މަޝްރޫޢުގެ އަމަލީ މަސައްކަތް ފަށައިފިއެވެ. އެގޮތުން ބަނދަރު ފުންކުރުމަށް ބޭނުންކުރާ ކަޓަރ ސަކްޝަން ޑްރެޖަރ އިހަވަންދޫއަށްވަނީ ބަނދަރުކޮށްފައެވެ.
އިހަވަންދޫގައި ތަރައްޤީކުރުމަށް ނިންމާފައިވާ ފިޝް ކަލެކްޝަން ފެސިލިޓީއަށް ބޭނުންވާ ބަނދަރު ތަރައްޤީކުރުމުގެ މަޝްރޫޢު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާއި ހަވާލުކޮށްފައިވާއިރު، މިހާތަނަށް ނިމިފައިވަނީ އެމަޝްރޫޢުގެ އީ.އައި.އޭ މަސައްކަތް ކަމަށް އެމްޓީސީސީ އިން ބުނެފިއެވެ.
އިހަވަންދޫގައި ތަރައްޤީކުރުމަށް ނިންމާފައިވާ ފިޝް ކަލެކްޝަން ފެސިލިޓީއަށް ބޭނުންވާ ބަނދަރު ތަރައްޤީކުރުމުގެ މަޝްރޫޢު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާ ހަވާލުކޮށްފިއެވެ. ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތެއްގައި މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ ޑިރެކްޓަރު ޖެނެރަލް ފާތިމަރު ޝާނާ ފާރޫގެވެ. އަދި އެމްޓީސީސީގެ ފަރާތުން އެއްބަސްވުމުގައި ސޮއިކުރެއްވީ ޗީފް އޮޕަރޭޓިން އޮފިސަރު ޝާހިދު ހުސެިން މޫސާއެވެ. މިނިސްޓްރީ އޮފް ނޭޝަނަލް ޕްލޭނިންގް، ހައުސިންގް އެންޑް އިންފްރާސްޓްރަކްޗާ އިން އިން އެމްޓީސީސީއާ ހަވާލުކޮށްފައިވަނީ 60.26 މިލިއަން ރުފިޔާގެ އަގަކަށް 500 ދުވަހުގެ ތެރޭގައި މަސައްކަތް ނިންމާގޮތަށެވެ.
