ޒަރޫރީ ސަބްސްކްރިޕްޝަންތަކަށްވެސް ލިމިޓެއް ކަނޑައަޅައި އީ-ކޮމާސް މުއާމަލާތްތައް އިތުރަށް ހަރުކަށިކޮށްފި!

• ⁠އެންމެ ގިނައިން ބޭނުންކުރާ އީ-ކޮމާސް މާޗަންޓުން (އެންމެ ގިނައިން ބޭނުންކުރާ 150 ޕްލެޓްފޯމް، މިސާލަކަށް: Temu, Alibaba, Apple, Amazon) ތިން މިލިއަން ޑޮލަރު (ގާތްގަނޑަކަށް ދުވާލަކު 100,000 ޑޮލަރު) 
• ސޯޝަލް މީޑިއާ ޕްލެޓްފޯމްތައް (Meta/Facebook, Instagram, TikTok ހިމެނޭހެން) 1.5 މިލިއަން ޑޮލަރު (ގާތްގަނޑަކަށް ދުވާލަކު 50,000 ޑޮލަރު)
• ⁠ދަތުރުފަތުރާއި ހުރުން (ފްލައިޓް ޓިކެޓާއި ހޮޓެލް ބުކިން) މިއީ ހަ މިލިއަން ޑޮލަރު ނުވަތަ ގާތްގަނޑަކަށް ދުވާލަކު 200,000 ޑޮލަރު.
• މުހިންމު ސަބްސްކްރިޕްޝަންތަކާއި އެހެނިހެން ޒަރޫރީ ހިދުމަތްތަކަށް ތިން މިލިއަން ޑޮލަރު ނުވަތަ ގާތްގަނޑަކަށް ދުވާލަކު 100,000 ޑޮލަރު.
• އެހެނިހެން ހުރިހާ ވިޔަފާރިތައް (އިތުރު އީ-ކޮމާސް މުއާމަލާތްތައް) 1.8 މިލިއަން ޑޮލަރު ނުވަތަ ގާތްގަނޑަކަށް ދުވާލަކު 60,000 ޑޮލަރު.
• ⁠ސިއްހީ އަދި ތައުލީމީ ހަރަދުތައް: މިފަދަ ހަރަދުތަކަށް މާޗަންޓް ނުވަތަ ކެޓަގަރީ ލިމިޓެއް ކަނޑައަޅާފައެއްނުވޭ

ބީއެމްއެލް އިން މީޑިއާއާ ހިއްސާކުރި މައުލޫމާތުތަކުގައިވާ ގޮތުން ކޮންމެ ދުވަހެއްގެ ވެސް ކެޓަގަރީ ލިމިޓްތައް ހެނދުނު 7:00 ގައި "ރިސެޓް" ކުރާނެ އެވެ. މިބަދަލާއިއެކު މިކެޓަގަރީތައް ބަހާލާފައިވަނީ، މަހެއްގެ މައްޗަށް ޖުމްލަ 16 މިލިއަން ޑޮލަރާ ހަމައަށެވެ. ބޭންކުން ކުރިން ބުނެފައިވާ ގޮތުގައި އެބޭންކުން ކާޑު ޓްރާންސެކްޝަންތަކަށް މަހެއްގެ މައްޗަށް 45 މިލިއަން ޑޮލަރު ހަރަދުވާއިރު، ޓެމޫއަށް އެކަނިވެސް މަހެއްގެ މައްޗަށް އެވްރެޖްކޮށް 7 މިލިއަން ޑޮލަރު ހަރަދުވެއެވެ.