ވަޅެއްގެ ތެރޭގައި ނިޔާވެފައި އޮއްވާ ޢަބުދުﷲ އަބޫބަކުރު ފެނިއްޖެ.

ވަޅު ހުރި ގޭ

ކުޅިމަގުން އަރައިގެން ރަށުތެރެއަށް ދިޔަކަމަށް ބެލެވެނީ މިފެންނަ ގޭގެ ކަނާްތްފަރާތުގަ އިން މަގުން

އަބުދުﷲގެ ހަށިގަނޑު ފެނިފައި ވަނީ މިމަގުގައި 3 ވަނައަށް ހުރިގޭގެ ތެރޭގަހުރި ވަޅަކުން، މިމަގުން ލަނބާލެވެން އޮންނަނީ މިގޭ ކައިރިން.

ބޮޑަށް ބެލެވެނީ ޢަބުދުﷲ ގޮނޑުދޮށްދަށުން ހިނގަމުން އައިސް ރަށުތެރެއަށް އަރާފައި ވަނީ ކުޅިމަގުން ކަމަށް، ގިނަބަޔަކަށް ބޮޑަށް ބުރަވެވެނީ ކުޅިމަގުން އަރައިގެން ތައުބާ މިސްކިތަށް މަޤުރިބް ނަމާދަށް ދިޔަމަގުމަތީ މަގުއޮޅިގެން އެގެވަޅަށް ވަދެވުނީ ކަމަށް، ޢަބުދުﷲ ވެއްޓުނު ވަޅު ހުރީ ބިމާ ހަމަހަމަ އަށްކަމަށްވޭ، އަދިވެސް އެސަރަހައްދު ފުލުހުންވަނީ ބަންދުކޮށްފަ.

ކަށުނަމާދަށްފަހު ސަންދޯއް އެމްބިއުލަންސަށް އެރުވުމަށް ގެންދަނީ

މަރުހޫމު އަބުދުﷲ އަބޫބަކުރު ވަޅުލައިފި.

މަރުހޫމުގެ ކަށުނަމާދު އޮންނާނީ މެންދުރުފަހު 2:00 ގައި މަސްޖިދުއްް ތަޢުބާގައި ކަމަށް ކައުންސިލުން އިޢުލާނުކޮށްފި.

މަރުހޫމު އަބުދުﷲ އަބޫބަކުރުގެ މޫނު ދެއްކުން މިހާރު ގުލްޒާރުގޭގައި ކުރިއަށް އެބަދޭ. ވަޅުލަން ހަމަޖެހިފައިވާގަޑި އަދި ނޭނގޭ.

އަބުދުﷲ އަބޫބަކުރު ވަޅުލުމަށްޓަކައި ސަހަރާގައި ވަޅު ކޮނުމުގެ މަސައްކަތް ކުރަމުން ދަނީ

މަރުހޫމު އަބުދުﷲ އަބޫބަކުރު ގެ ހަށިގަނޑު ފެނުނު ސަރަހައްދު ރަތްކުލައިގެ ބޮޅަކުން ދައްކާފައި. މިއީ އަލަށް ހަދަމުންދާ ގެއެއް، ގޭގެ މަސައްކަތް ނުކުރާތާ ގިނަ ދުވަސްތަކެއް ވެފައިވާކަމަށް ބެލެވޭ.

ޢަބްދުﷲ އަބޫބަކުރު ވަޅުލުމަށްޓަކައި ތައްޔާރުވަމުންދާއިރު އޭނާ ފެނުނު ވަޅު ހުރި އިމާރާތް އަދިވެސް ވަނީ ފުލުހުން ބަންދުކޮށްފަ. ފުލުހުންގެ ފޮރިންސިކު ޓީމުވެސް އެސަރަހައްދުބަލާ ފައިވޭ. މިހާތަނަށް ބެލި ބެލުމުން ޢަބްދުﷲ އަބޫބަކުރުގެ ހަށިގަނޑުގެ ބޭރުފުށުން އެއްވެސް އަނިޔާއެއް ވެފައިވާކަމަށް ފާހަގަ ކުރެވިފަ ނުވާ ކަމަށް ފުލުހުން ބުނެފި. އަދި މިމައްސަލަ އިހަވަންދޫ ޕޮލިސް ސްޓޭޝަނުން ގެންދަނީ އިތުރަށް ތަޙުޤީޤު ކުރަމުން ކަމަށްވެސް ފުލުުުހުން ބުނޭ.

މަރުހޫމު އަބުދުﷲ އަބޫބަކުރު ގެ ހަށިގަނޑު 10:40 ހުގައި ވަނީ އާއިލާއާއި ހަވާލުކޮށްފައި ކަމަށް އިހަވަންދޫ ސިއްހީމަރުކަޒު ވަގުތީގޮތުން ހިންގުމާއި ހަވާލުވެހުންނެވި ކޭޝިއަރު އަހުމަދު އުބައިދުﷲ މައުލޫމާތު ދެއްވައިފި.

މަރުހޫމު އަބުދުﷲ އަބޫބަކުރު ހޯދުމަށް ކައުންސިލުން ގޮވާލި ގޮވާލުމަށް ރައްޔިތުންގެ ފަރާތުން ލިބުނު ފުރިހަމަ އެއްބާރުލުން ފާހަގަ ކުރައްވައި ކައުންސިލްގެ ރައީސް މުޙައްމަދު އާސިފު ރައްޔިތުންނަށް ޝުކުރު ދަންނަވައިފި.

ފޮރިންސިކް ޓީމުގެ މަސައްކަތް ނިންމާލައިފި. މައްޔިތާ ސިއްހީމަރުކަޒުން ނެރުމުގެ މަސައްކަތް ފަށައިފި

ފުލުހުންގެ ފޮރިންސިކް ޓީމުގެ ބޭފުޅުން މިހާރު ދަނީ މައްޔިތާގެ ހަށިގަނޑުކާރީ ހަރަކާތްތެރިވަމުން. ފޮރިންސިކު ޓީމަށް ރަށުން ބޭރުން ވަޑައިގަތީ 2 ބޭފުޅުން.

ޢަބުދުﷲ އަބޫބަކުރުގެ ހަށިގަނޑު ފެނުނު ސަރަހައްދު، އަދި އޭނާގެ ހަށިގަނޑު ނެރެގެން ގެންދަނީ.

ފުލުހުންގެ ފޮރިންސިކް ޓީމަށް އިހަވަންދޫއަށް އާދެވޭނީ 9 ޖަހާއިރުކަމަށް މައުލޫމާތުލިބޭ. މަރުޙޫމްގެ ހަށިގަނޑު އާއިލާއާ ހަވާލުކުރާނީ ފުލުހުންގެ ފޮރިންސިކު ޓީމުން ބެލުމަށްފަހު.

ޢަބްދުﷲ އަބޫބަކުރުގެ ހަށިގަނޑު އަދިވެސް އޮތީ އިހަވަންދޫ ޞިއްޙީ މަރުކަޒުގަ. މައްޔިތާ ހިނެވުމުގެ މަސައްކަތް ނުފަށާ މަޑުކުރަނީ ފުލުހުންގެ ފޮރިންސިކް ޓީމް އަންނަންދެން.

ރޭ ޢަބުދުﷲ އަބޫބަކުރު ހޯދުމުގެ މަސައްކަތުގައި ސުކޫލުގެ ގިނައަދަދެއްގެ މަތީ ކުލާސްތަކުގެ ދަރިވަރުންނާއި ސުކޫލުގެ މުވައްޒަފުން ނުނިދާ ހަރަކާތްތެރިވެފައިވާތީ މިއަދު އިހަވަންދޫ މަދަރުސާގައި ކިޔެވުން ކުރިއަށްގެންދާނީ އިންޓަރވަލް ގަޑިއަާ ހަމައަށް (ހެނދުނު 9:10 )ކަމަށް އިހަވަންދޫ މަދަރުސާގެ ޕުރިންސިޕަލް ދެންމެ ވިދާޅުވެއްޖެ.

ޢަބުދުﷲ އަބޫބަކުރުގެ ހަށިގަނޑު އެމްބިއުލަންސަށް އަރުވަން ގެންދަނީ. ފޮޓޯ: ވަގުތު

ޢަބުދުﷲ އަބޫބަކުރު ހޯދުމުގެ މަސައްކަތުގައި ހަރަކާތްތެރިވި އެންމެހާ ރައްޔިތު ބޭފުޅުންނަށް އިހަވަންދޫ ކައުންސިލުން ޝުކުރުއަދާކޮށްފި.

ފަޅު ގޯއްޗެއްގައި ހުރި ފެންވަޅަށް ވެއްޓިފައި އޮއްވާ ފެނުނީ އަބޫބަކުރުގެ ދޮށީ ފިރިހެން ދަރިފުޅަށް.

ޢަބުދުﷲ އަބޫބަކުރު ފެނުނީ އިހަވަންދޫ ބެރިބެދިމަގުގައި ހުންނަ ގުރީންގާޑުން އާ ދިމާލުން ކުލިމަގު ސަރަހައްދުގައި ހުރި ގެވަޅެއްގައި ހުރި ތިރި ފެންވަޅެއްގައި އޮއްވާ ކަމަށް ޚަބަރު ލިބޭ.

ޢަބުދުﷲ އަބޫބަކުރުގެ ހަށިގަނޑު މިހާރުވަނީ އިހަވަންދޫ ޞިއްޙީ މަރުކަޒަށް ގެންގޮސް.

ޢަބުދުﷲ އަބޫބަކުރު މިހާރު އިހަވަންދޫ ސިއްހީމަރުކަޒަށް ގެންދަނީ.

ވަޅެއްގެ ތެރޭގައި ނިޔާވެފައި އޮއްވާ ޢަބުދުﷲ އަބޫބަކުރު ފެނިއްޖެ.

ފަޅު ގޯއްޗެއްގެ ހުރި ފެންވަޅެއްގެ ތެރޭގައި އޮއްވާ ޢަބްދުﷲ އަބޫބަކުރު ފެނިއްޖެ. ޢަބުދުﷲ އަބޫބަކުރު ފެނުނުއިރު އޮތީ ނިޔާވެފައި.

ކައުންސިލްގެ އެދުމުގެ މަތިން ޢަބުދުﷲ އަބޫބަކުރު ހޯދުމަށް އިހަވަންދޫ ޕޮލިސްސްޓޭޝަން ކައިރިއަށް މިއަދު އެއްވި ބައެއް މީހުން.

ޢަބުދުﷲ އަބޫބަކުރު ހޯދުމަށް އިހަވަންދޫ ޕޮލިސް ސްޓޭޝަން ކުރިމައްޗަށް، އެންމެހާ ރައްޔިތުން ޖަމާވުމަށް އަނެއްކާވެސް ކައުންސިލުން ގޮވަން ފަށައިފި

ޢަބުދުﷲ އަބޫބަކުރު ހޯދުމަށް މިހާތަނަށްކުރި މަސައްކަތުން އަދި އެއްވެސް އަލިމަގެއް ފެނިފައިނުވޭ.. ރަށުގެ ހުރިހާ ސަރަހައްދުތަކެއްހެންވަނީ ބަލާފައި. މޫދަށް ފީނައިގެންވެސް ބަލައިފި. މިހާރު މަސައްކަތްކުރަނީ ބޮޑު ލައިޓެއް ދިއްލައިގެން ބޮއްކުރައެއްގައި މޫދުބަލަން ނުކުތުމަށް.

ސަފުގެ ބައިވެރިން ކުނިގޮނޑާދިމާލު ގޮނޑުދޮށަށް ނުކުމެއްޖެ. މިހާތަނަށްކުރި މަސައްކަތުން އަދި އެއްވެސް އަލިމަގެއް ފެނިފައިނުވޭ.

ސަފުގައި އަންނަ މީހުން ކުނިގޮނޑާ ހަމައަށް އަތުވެއްޖެ.

ޖަނަރޭޓަރަކާ ލައިޓެއް ހިފައިގެން ތިބި ބަޔަކު ބޮޑުނިކަގަސް ކާރީ ތިބުމަށްފަހު ކުޑަކަތީބުމަގާ ދިމާއަށް ހިނގައިގެންފި.

ފުޅިތޮއްޓާ ކަށިކެޔޮ ގަސްތަކުގެ ސަަބަބުން ބައެއް މީހުންނަށް ކުދި އަނިޔާތައް ވަމުންދާކަމަށް މަޢުލޫމާތު ލިބޭ،

ކުޅިމަގު ސަރަހައްދުން ހޯދުމަށް ސަފެއްގައި ނައްޓާލި މީހުންގެ ތެރެއިން ބަޔަކު.

ސަފުގައި އެކަނިވެސް 300 އަށްވުރެ ގިނަ މީހުން އެބަތިބި. ސަފެއްގައި ހޯދަމުން ކުރިއަށްދަނީ ރަށުގެ އިރު އުތުރާ ދިމާއަށް

އެންމެން ގޮނޑުދޮށުން ފެށިގެން އެއްގަމަށް ތެދު ލައިނެއް ހަދާ ހޯދަން ތައްޔާރުވަނީ.

ފުލުހުން އަނެއްކާވެސް ކުޅިމަގުގައި ތިބި މީހުން އެއްތަނަކަށް އެއްކޮށްފި.

މިހާރު ބޮޑަށް ބަލަމުންދަނީ ކުޅިމަގާ ކުނިގޮނޑާ ދެމެދު ވާ ސަރަހައްދު.

ހޯދުމުގެ މަސައްކަތުގައި ބޭނުންކުރުމަށް އިތުރު ޖަނަރޭޓަރެއް ބޭނުންކުރަން ތައްޔާރުވާން ފަށައިފި

އެއްގަމަށް އަރާފަ ވާކަމަށް ބެލެވޭ ފިޔަވަޅު ވަކި ހިސާބަކުން ވަނީ ފޮހެވިފަ ކަމަށް ޚަބަރުލިބޭ.

ޢަބުދުﷲ އަބޫބަކުރުގެ ފިޔަވަޅު ކަމަށްބެލެވޭ ފިޔަވަޅެއް އުތުރުފަރާތު ގޮނޑުދޮށުން ކުނިގޮނޑާ ދިމާލަށް އަރަން މަސައްކަތްކޮށްފަ ހުރިތަން ވަނީ ފެނިފަ.

ކުޅިމަގު ސަރަހައްދުގައި މިވަގުތު 200 އަށްވުރެ ގިނަ މީހުން ހަރަކާތްތެރިވޭބަ.

ޕޮލިހުން ދެންމެ ރައްޔިތުންނަށް މަޢުލޫމާތުދެމުން ބުނީ މިއަދު އިރުއޮއްސެންވެފައި ހުއްޓާ 13 އަހަރާ 14 އަހަރުގެ ކުއްޖަކަށް ޢަބުދުﷲ އަބޫބަކުރު ކުނިގޮނޑާ ދިމާލުން ކުނިކޮނޑު ސަރަހައްދަށް އަންނަނިކޮށް ފެނިފަވާކަމަށް.

ހޯދުމުގެ މަސައްކަތުގަ ހަރަކާތްތެރިވާ ގުރޫޕެއް ކުޅިމަގު ސަރަހައްދުގައި

ކުޑަޖަނަރޭޓަރަކާއި ލައިޓަކާއެކު، އެއްބަޔަކު ކުޅިމަގުން ފެށިގެން އުތުރަށް ވަލުތެރެ ސަރަހައްދު ބަލަމުންދާއިރު އަނެއްބަޔަކު ދަނީ ހޭޅިފަށް ސަރަހައްދު ބަލަމުން. ލައިޓު ހަރުކޮށްފައިވާ ޕިކަޕުވެސް މިހާރު ދަނީ އެސަރަހައްދުގައި ހަރަކާތްތެރިވަމުން.

ޢަބުދުﷲ އަބޫބަކުރު ހޯދުމުގެ މަސައްކަތުގައި އިހަވަންދޫގެ ގިނަ ބަޔަކު މިހާރު މަސައްކަތްކުރަމުން ދަނީ ކުޅިމަގު ސަރަހައްދުގައި

ޢަބުދުﷲ އަބޫބަކުރު ހޯދުމުގެ މަސައްކަތްކުރުމަށް މިހާރު ހަރަކާތްތެރިވާ މީހުންނާ އަދި ނުނުކުމެ ބަޔަކު ތިބިނަމަ އެބަޔަކުވެސް ކުޅިމަގު ސަރަހައްދަށް އައުމަށް އިހަވަންދޫ ކައުންސިލުން ގޮވާލަމުން އެބަދޭ.

މާކަރީ ލައިޓަކާއި ކުޑަ ޖަނަރޭޓަރަކާއެކު ކުނިގޮނޑު ސަރަހައްދުގައި ގުރޫޕެއް ހަރަކާތްތެރިވަމުން އެބަދޭ.

ޢަބުދުﷲ އަބޫބަކުރު ހޯދުމުގެ މަސައްކަތް އަދިވެސް ދަނީ ހުއްޓާނުލާ ކުރަމުން. ޢަބުދުﷲ އަބޫބަކުރު ހޯދުމުގެ މަސައްކަތައް ރައްޔިތު އެންމެން ނުކުތުމަށް ކައުންސިލުން އަނެއްކާވެސް ގޮވާލައިފި.

ޢަބުދުﷲ އަބޫބަކުރަކީ ބަލި މީހެއް. އަދި ސިކުނޑީގައި ކޮންމެވެސް ވަރެއްގެ އުނިކަމެއް ހުންނަ މީހެއް ކަމަށްވެސް މީހުން ބުނޭ.

ޢަބުދުﷲ އަބޫބަކުރު ހޯދުމުގެ މަސައްކަތުގައި ބަޔަކު ހަރަކާތްތެރިވަނީ

ޢަބުދުﷲ އަބޫބަކުރު ހޯދުމުގެ މަސައްކަތުގައި ގިނައަދަދެއްގެ ޒުވާނުން ބައިވެރިވަމުންދާކަން ފާހަގަ ކުރެވެ.

އިހަވަންދޫ ހުޅަނގު ފަރާތު ކުޅިމަގުން ފެށިގެން ގޮނޑުދޮށުން ފެށިގެން މޫދުގެ 300 ވަރަކަށް ފޫޓު ދުރު ސަރަހައްދު އަންނަނީ ހޯދާބަލަމުން. މިހާރު ކުޅިމަގުންފެށިގެން އިހަވަންދޫ އިރުމަތީފަރާތު މިސްކިތްމަގާ ހަމައަށް ވަނީ ބަލައިފަ.

އިހަވަންދޫ އިރު އުތުރު ފަރާތު ގޮނޑުދޮށުގައި ހުންނަ ބޮޑުނިކަގަސް ދޮށާ ދިމާލުގަ ލައިޓުހަރުކޮށްފައިވާ ޕިކަޕު ބާއްވައިގެން މޫދު ބަލަން ފަށައިފި. އެސަރަހައްދު ފީނައިގެން ދަނީ ހޯދުމުގެ މަސައްކަތް ކުރަމުން.

އިހަވަންދޫ އިންޖީނުގެއިން ޕިކަޕެއްގައި ލައިޓު ހަރުކޮށްގެން ހޯދުމުގެ މަސައްކަތަށް ނުކުމެއްޖެ.

ގެއްލިގެން ހޯދަމުންދާ ޢަބުދުﷲ އަބޫބަކުރު.

މިވަގުތު އިހަވަންދުއަށް ދަނީ ތުނިކޮށް ވާރޭ ވެހެމުން. ވާރޭތެރޭގައިވެސް ހޯދުމަށް ހަރަކާތްތެރިވާ ގުރޫޕުތަށް ދަނީ މަސައްކަތް ކުރަމުން.

އިހަވަންދޫ އިންޖީނުގެއިން ޕިކަޕެއްގައި ލައިޓު ހަރުކޮށްގެން ހޯދުމުގެ މަސައްކަތަށް ނުކުންނަން ތައްޔާރުވަމުން އެބަދޭ.

ހޯދުމުގެ މަސައްކަތަށް ގުރޫޕުތަކުން ހިނގައިގެންފި. ގިނަ ގުރޫޕުތަށް ދިޔައީ އަތިރިމައްޗާ ގޮނޑުދޮށް ބަލަން.

ފުލުހުންގެ އިރުޝާދާއެކު އެއްވެތިބި ރައްޔިތުން 5 ގުރޫޕަކަށް ބަހާލައި 5 ސަރަހައްދަށް ރަށް ބައިކޮށްލައިގެން ހޯދުމުގެ މަސައްކަތް ފެށުމަށް ތައްޔާރު ވެއްޖެ.

އިހަވަންދޫގެ ކައުންސިލަރުންނާއި ވެރިން އަދި އަތޮޅު ކައުންސިލް މެމްބަރު ޢަބުދުﷲވެސް މިވަގުތު ހުންނެވީ ޕޮލިސްސްޓޭޝަން ކުރިމަތީ.

ރައްޔިތުންގެ ތެރެއިން ގިނަބަޔަކު މިހާރު ތިބީ އިހަވަންދޫ ޕޮލިސްސްޓޭޝަން ކުރިމަތީ. ރަށުގެ އެކި ދިމަދިމާއިން މިހާރުވެސް މީހުން އަންނަނީ އެތަނަށް ޖަމާވަމުން.

ހޯދަން ނުކުންނައިރު، އަލިކުރެވޭނެ ކަހަލަ އެއްޗެއް ގެންދިއުމަށް ކައުންސިލުން އެދޭ..

ޢަބުދުﷲ އަބޫބަކުރު ހޯދުމަށްޓަކައި އިހަވަންދޫ ޕޮލިސް ޓޭޝަން ކުރިމައްޗަށް ރައްޔިތުން އެއްވުމަށް އިހަވަންދޫ ކައުންސިލުން ގޮވާލައިފި.

މިއަދު ހަވީރު 4:30 ހާއިރު ސަރިދަލޭސް ފިހާރަ އާއި ވަފާ ޕުރީސުކޫލާ ދެމެދު އޮންނަ މަގަކުން ގޮނޑުދޮށާ ދިމާއަށް ޢަބުދުﷲ އަބޫބަކުރު ދިޔަތަން ފެނުނު ކަމަށް މީހަކު ބުނެފި. އޭނާ ބުނީ އޭނާ ޢަބުދުﷲ ކާރީ ތިދަނީ ކޮންތާކަށްތޯ އެހުމުން، "މިދަނީ ތުނޑިއަށް ހިނގާލާށޭ" ބުނި ކަމަށް.

ޢަބުދުﷲ އަބޫބަކުރަކީ އުމުރުން 70 އަހަރަށް ވުރެ ދޮށީ މީހެއް ކަމަށް ޚަބަރުލިބޭ. އޭނާ އަކީ ފަތިހުވެސް ވަރަށް ގިނައިން ގޮނޑުދޮށުގައި ހިނގާ މީހެއް ކަމަށްވާތީ، ގޮނޑުދަށްވެސް ދަނީ ހޯދަމުން.

ޢަބުދުﷲ އަބޫބަކުރުގެ އާއިލާ މީހަކު މިނޫހަށް މައުލޫމާތު ދެމުން ބުނީ އޭނާ ގެއްލުނުއިރު ލައިގެން ހުރީ މަޑު އޮރެންޖު ކުލައިގެ ގޮޅިޖެހި ގަމީހެއް ކަމަށް.