ހއ. މާރަންދޫ ރައްޔިތުން ހޭލުންތެރިކޮށް އެރަށުގެ މުޖުތަމަޢުއަކީ ކުށްމަދު މުޖުތަމަޢުއަކަށް ހެދުމަށްޓަކައި ހއ. އިހަވަންދޫ ޕޮލިސް ސްޓޭޝަނުން ކުރިއަށް ގެންދިޔަ ހަރަކާތްތަކުގެ ދަށުން މާރަންދޫގެ ގޭގެއަށާއި ވިޔާފާރިކުރާ ތަންތަނަށް ޒިޔާރަތްކޮށް މަޢުލޫމާތު ދީފިއެވެ.

ފޮލިހުން ހާމަކޮށްފައިވާ ގޮތުގައި މިމަހުގެ 12 ން 13 ވަނަ ދުވަހުގެ ނިޔަލަށް މާރަންދޫގައި ކުރިއަށް ގެންދިޔަ ޕްރޮގްރާމްތަކުގެ ތެރެއިން އެރަށުގައި މީހުން ދިރިއުޅެމުންދާ 120 ގެއަށް ފުލުހުން ޒިޔާރަތްކޮށްފައިވެއެވެ.

މި ޒިޔާރަތުގައި ކުދިން ކުށްކުރުމަށް މެދުވެރިވާ ސަބަބުތަކާއި، ކުޑަކުދިން ކުށްކުރުމާއި ދުރުހެލިކުރުމަށް އެޅިދާނެ ފިޔަވަޅުތަކާއި، އަލަށް ތަޢާރަފްވެގެން ދިޔަ ގެވެށި އަނިޔާ ހުށްޓުވުމުގެ ޤާނޫނާއި ބެހޭ މަޢުލޫމާތާއި، މުޖުތަމަޢުގައި ޢާއްމުކޮން ހިންގާ ކުށްތަކާއި އެފަދަ ކަންކަމުން ސަލާމަތްވެ ތިބުމަށް ރައްޔިތުންނަށް ކޮންމެހެން އެނގެންޖެހޭ މަޢުލޫމާތުތައް ފޯރުކޮށްދީ އެފަދަ މުހިންމު މަޢުލޫމާތު ހިމެނޭ 2 ލީފްލެޓެއް ކޮންމެ ގެއަކަށް ދީފައިވެއެވެ.

ހއ.މާރަންދޫގައި ހިންގި މިޙަރަކާތުގައި އެރަށުގައި ވިޔާފާރި ކުރާ ތަންތަނަށްވެސް ޒިޔާރަތްކޮށްފައިވެއެވެ. ވިޔާފާރި ކުރާ ތަންތަނަށް ކުރި މި ޒިޔާރަތުގައި ވައްކަމާއި ފޭރުމާއި މަކާރާއި ޙީލަތް އަދި ޚިޔާނާތްތެރިވުން ފަދަ ކުށްތަކަށް ވިޔަފާރިވެރިން ހޭލުންތެރިކޮށް، ޢާއްމުކޮން ހިނގާ ކުށްތަކާއި ބެހޭ މަޢުލޫމާތު ވިޔަފާރިވެރިންނާއި ފިހާރައިގެ ކޭޝިއަރުންނާއި، ސޭޓުންނަށްދީ އެފަދަ ކަންކަމުން ރައްކާތެރިވުމަށް އެޅިދާނެ ފިޔަވަޅުތަކާއި ބެހޭ މަޢުލޫމާތު ދީފައިވެއެވެ.

މާރަންދޫ ގޭގެއަށާއި ވިޔަފާރިކުރާ ތަންތަނަށް ޒިޔާރަތްކުރުމުގެ މި ޕްރޮގްރާމްގެ ތެރެއިން ފުލުހުންގެ ޚިދުމަތުގެ ފެންވަރު ބެލުމަށްޓަކައި ސަރވޭ ފޯމެއް ވަނީ ފުރިހަމަކޮށްފައެވެ. މިސަރވޭއިން ދައްކާގޮތުގައި ހއ.މާރަންދޫގެ ރައްޔިތުން ފުލުހުންގެ ޚިދުމަތް މިހާރަށްވުރެ ގާތުން ލިބެން ބޭނުންވާއިރު ހއ. މަރަންދޫގައި މަސްތުވާތަކެތީގެ ވަބާ ފެތުރުގެންދާނެތީ ގިނަ ބަޔަކު ކަންބޮޑުވާކަން ފާހަގަކޮށްފައިވެއެވެ.

ހއ. މާރަންދޫ ރައްޔިތުން ހޭލުންތެރިކޮށް އެރަށުގެ މުޖުތަމަޢުއަކީ ކުށްމަދު މުޖުތަމަޢުއަކަށް ހެދުމަށްޓަކައި ހއ. އިހަވަންދޫ ޕޮލިސް ސްޓޭޝަނުން ކުރިއަށް ގެންދިޔަ ހަރަކާތްތަކުގެ ދަށުން މާރަންދޫގެ ޒުވާނުންނާއި ސްކޫލު ކުދިންނާއި ބެލެނިވެރިން ޤާނޫނާއި ޤަވާއިދުތަކަށް ހޭލުންތެރިކުރުމުގެ ގޮތުން ޕްރޮގްރާމެއް ހިންގައިފިއެވެ.

މިމަހުގެ 12 ން 13 ވަނަ ދުވަހުގެ ނިޔަލަށް މާރަންދޫގައި ވަކިވަކިން ކުރިއަށް ގެންދިޔަ މި ޕްރޮގްރާމްގައި ޤާނޫނު އަސާސީ އާއި ޤަނޫނާއި ޤަވާޢިދުތަކާއި އުސޫލަތަކާއި ހަމަތަކާއި މާރާމާރީ އާއި ވައްކަމާއި ޚިޔާނާތް އަދި ފެރުމާއި ބެހޭގޮތުންނާއި މަސްތުވާތަކެއްޗާއި ބެހޭ ޤާނޫނާއި ރާއްޖެއަށް ގެނައުން މުޅިން މަނާ ތަކެއްޗާއި ބެހޭގޮތުންނާއި ޓްރެފިކް ޤަވާޢިދާ ޚިލާފަށް ޢާއްމުކޮށް ކުރާ ކުށްތަކާއި އެކުށްތަކަށް ކަނޑައެޅިފައިވާ އަދަބުތަކާއި ބެހޭގޮތުން މަޢުލޫމާތު ދީފައިވެއެވެ.

މީގެ އިތުރުން ގޭންގް ކުށްތައް މަނާ ކުރުމާއި ބެހޭ ޤާނުނާއި ބެހޭގޮތުންނާއި ޢާއްމު އިޖްތިމާޢީ މިންގަނޑުތަކާއި ޚިލާފް ޢަމަލުތައް ހުއްޓުވުމުގެ ޤާނޫނާއި ބެހޭގޮތުންނާއި ފުލުނުންނަށް ލިބިދީފައިވާ ބާރުތަކާއި ބެހޭގޮތުންނާއި މަދަނީ ކުށާއި ޖިނާޢީ ކުށާއި ކުށްކުރަން އާދަވާ ސަބަބުތަކާއި ކުށްކުރުން އާދަވެއްޖެނަމަ ކުށުން ދުރުހެލިވުމަށްޓަކައި ކުރަންވީ ކަންތައްތަކާއި ބެހޭގޮތުންވެސް މި ޕްރޮގްރާމްގެ ބައިވެރިންނަށް މަޢުލޫމާތު ދީފައިވެއެވެ.

ޤާނޫނާއި ޤަވާއިދުތަކާއި ބެހޭގޮތުން މަޢުލޫމާތު ދިނުމުގެ އިތުރުން ސުކޫލުކުދިންނަށާއި ބެލެނިވެރިންނަށް ވަނީ ސްޓްރެސްއަކީ ކޮބައިކަމާއި ސްޓްރެސްވާން މެދުވެރިވާ ސަބަބުތަކާއި ސްޓްރެސް ވެއްޖެނަމަ ފެންނާނެ އަލާމަތްތަކާއި ސްޓްރެސްވުމުން މެދުވެރިވާ ބަލިތަކާއި ސްޓްރެސްވުމުން އެކަމުން ސަލާމަތްވާނެ ގޮތްތަކާއި ބެހޭ މަޢުލޫމާތު ދީފައިވެއެވެ. މީގެ އިތުރުން ގެވެށި އަނިޔާ ހުށްޓުވުމުގެ ޤާނޫނާއި އަދި ކުޑަކުދިންނަށް ޖިންސީ ގޯނާ ކުރުން ހުއްޓުވުމާއި ބެހޭ ޤާނޫނާއި ބެހޭ މާޢުލޫމާތު ބެލެނިވެރިންނަށް ދީފައި ވެއެވެ.

]]> http://www.ihavandhoo.com/?feed=rss2&p=6413 0 http://www.ihavandhoo.com/?p=6409 http://www.ihavandhoo.com/?p=6409#comments Wed, 16 May 2012 13:37:30 +0000 .. http://www.ihavandhoo.com/?p=6409 Tweet

އިހަވަންދޫގެ ރައްޔިތުންގެ ހަރަދުގައި އިމާރާތްކުރުމަށް ހަމަޖެހިފައިވާ ޕްރީސުކޫލުގެ ގޯތި ޑިޒައިންކޮށް، އަދި ޕްރީސުކޫލް ޢިމާރާތް، ކުރެހުމަށް އަންދާސީ ހިސާބު ހުށައެޅުމުގެ ފުރުޞަތު ހުޅުވާލައިފިއެވެ.

މިމަހުގެ 14 ވަނަ ދުވަހު އިހަވަންދޫކައުންސިލް އިދާރާއިން ކޮށްފައިވާ އިޢުލާނުގައި ވަނީ ޕްރީސުކޫލުގެ ގޯތި ޑިޒައިންކޮށް، އަދި ޕްރީސުކޫލް ޢިމާރާތް، ކުރެހުމަށް ޝައުގުވެރިކަން ހުރި ފަރާތްތަކުން 17 މެއި 2012 ވަނަ ދުވަހު (މާދަމާ) މެންދުރުފަހު 1:30 އަށް އެއިދާރާއަށް ދުރުވެ މަޢުލޫމާތު ސާފުކުރެއްވުމަށްފަހު 24 މެއި 2012 ވަނަ ދުވަހުގެ މެންދުރުފަހު 2:00 ށް އަންދާސީ ހިސާބު ހުށައެޅުމަށް އެދިފައެވެ.

އަދި މަޢުލޫމާތު ސާފުނުކުރައްވާ ފަރާތްތަކުން ހުށައަޅާ އަންދާސީ ހިސާބު ޤަބޫލު ނުކުރެވޭނެ ކަމަށްވެސް ކައުންސިލް އިދާރާގެ އިޢުލާނުގައި ވެއެވެ.

ގިނަ ޢަދަދެއްގެ ފައިސާތަކެއް ހިފައިގެން ދިޔަ މީހަކަށް ބިރު ދައްކައި އޭނާގެ އަތުގައި އޮތް އަތް ދަބަހެއް ފޭރިގަނެ މާރާމާރީ ހިންގައިފިއެވެ. ފުލުހުން ބުނީ މިހާދިސާ ހިނގާފައިވަނީ މެއި 15 ވަނަ ދުވަހު އިރުއޮއްސި 18:45 ހާއިރު މާވެޔޮ މިސްކިތް ކުރިމަތީގައި އޮންނަ ގޯޅީތެރޭގައި ކަމަށެވެ.
މި ފޭރުމާ ގުޅިގެން މިހާތަނަށް ލިބުނު މަޢުލޫމާތުން އެނގޭގޮތުގައި ބެޗް ކޮންސްޓަރަކްޝަންގައި މަސައްކަތްކުރާ އެ މީހާގެ އަތުގައި އޮތް އަތް ދަބަހުގައި 60000 ރ. އިތުރުން 58،000.00ރ. ޗެކަކާއި 150،000.00 ރ. ޗެކެއް ވެސް އޮތެވެ. އޭނާގެ އަތުން ފައިސާ ދަބަސް ފޭރެން އުޅުމުގެ ތެރޭގައި އަތުގެ އިނގިލިތައް ޒަހަމްކޮށްލާފައިވާ ކަމަށް ވެސް ފުލުހުން ބުންޏެވެ.

ފުލުހުން ބުނީ ފައިސާ ދަބަސް ފޭރިގެން ކަމަށް ބެލެވެނީ ސައިކަލެއްގައި ދިޔަ ދެ މީހަކު ކަމަށާއި މިމައްސަލަ އިތުރަށް ބަލަމުން އަންނަ ކަމަށެވެ.

މިހާރަކަށް އައިސް މީހުންގެ އަތްދަބަހާއި ކަރުގައި އަޅާފައި ހުންނަ އަގުބޮޑެތި ފަށް ކަހަލަ އަގުބޮޑު ތަކެތި ފޭރުމުގެ މައްސަލަތައް އިތުރުވެފައިވާ ވާތީ ރައްޔިތުން މިކަންކަމަށް ހޭލުންތެރިވެ ތިބުމަށް މޯލްޑިވްސް ޕޮލިސް ސާވިސްއިން އިލްތިމާސްކުރާ ކަމަށް ވެސް ފުލުހުން ވަނީ މިއަދު ބުނެފަ އެވެ.

އިހަވަންދޫ މަދަރުސާގެ ބައެއް މުޥައްޒަފުންނާއި އިހަވަންދޫ ޕޮލިސް ސްޓޭޝަނުގެ ބައެއް މުޥައްޒަފުން

އިހަވަންދޫގެ މުޖުތަމަޢުއަކީ އަމާން ކުށްމަދު ވެއްޓަކަށް ހެދުމަށާއި އިހަވަންދޫގެ ރައްޔިތުން އިހަވަންދޫގެ ފުލުހުންނަށް ކުރާ އިތުބާރާއި ފުލުހުންނާއި މެދު މިހާރު ރައްޔިތުންގެ ހިތުގައި ހުރި ހުރަސްތައް ނައްތާލާއި އިހަވަންދޫގެ ޒުވާނުންނާއި އިހަވަންދޫ ޕޮލިސް ސްޓޭޝަންގެ މުވައްޒަފުންގެ މެދުގައި އެކުވެރިކަން އިތުރަށް ބަދަހިކުރުމުގެ މަޤްޞަދުގައި އިހަވަންދޫ ޕޮލިސް ސްޓޭޝަނުން ޕްރޮގްރާމްތަކެއް ހިންގައިފިއެވެ.

ޒުވާނުންނާއި ފުލުހުންނާއި މެދުގައިވާ އެކުވެރިކަން އިތުރަށް ބަދަހިކުރުމަށްޓަކައި ނިމިގެން މިދިޔަ ހަފްތާތެރޭގައި އިހަވަންދޫ ޕޮލިސް ސްޓޭޝަންގެ ޓީމް، އިހަވަންދޫ އިރުމަތީ އަވަށުގެ ޒުވާނުންގެ ޓީމަކާއި އިހަވަންދޫ ހުޅަނގު އަވަށުގެ ޒުވާނުންގެ ޓީމަކާއިއެކު ފޯރިގަދަ ފުޓްބޯޅަ ދެމެޗު ވަނީ ކުޅެފައެވެ.

“ކުށްމަދު މުޖުތަމަޢަކަށް ހޭލުންތެރި ޒުވާނުން” މިޝިޢާރުގެ ދަށުން މިމަހު 09 ވަނަ ދުވަހުގެ 16:45 ން 18:15ށް ކުޅެވުނު ފުރަތަމަ މެޗްގައި ބައްދަލުކޮށްފައި ވަނީ އިހަވަންދޫ ޕޮލިސް ސްޓޭޝަންގެ ޓީމާއި އިހަވަންދޫ ހުޅަނގު އަވަށުގެ ޓީމެވެ. އިހަވަންދޫ ހުރަވީ ދަނޑުގައި ކުޅެވުނު މެޗް  04 ލަނޑު 02 ލަނޑުން ކާމިޔާބުކޮށްފައި ވަނީ އިހަވަންދޫ ހުޅަނގު އަވަށުގެ ޒުވާނުންގެ ޓީމެވެ.

ޒުވާނުންނާއި ގުޅުން ބަދަހިކުރުމުގެ ގޮތުން ކުޅެވުނު ދެވަނަ މެޗް ކުޅެފައި ވަނީ މިމަހުގެ 10 ވަނަ ދުވަހުއެވެ. އިހަވަންދޫ ޣާޒީ ދަނޑުގައި ކުޅެވުނު މިމެޗްގައި ބައްދަލުކޮށްފައި ވަނީ އިހަވަންދޫ ޕޮލިސްގެ ޓީމާއި އިހަވަންދޫ އިރުމަތީ އަވަށުގެ ޒުވާނުންގެ ޓީމެވެ. މިދުވަހުގެ 06:15 ން 08:00 ށް ކުޅެވުނު މިމެޗް 02 ލަންޑު 01 ލަނޑުން ކާމިޔާބުކޮށްފައި ވަނީ އިހަވަންދޫ އިރުމަތީ އަވަށުގެ ޒުވާނުންގެ ޓީމެވެ.

މީގެ އިތުރުންވެސް ނިމިގެން މިދިޔަ ހަފްތާ ތެރޭގައި އިހަވަންދޫގެ ޒުވާނުން ޤާނޫނާއި ޤަވާޢިދުތަކަށް ހޭލުންތެރިކުރުމަށްޓަކައި އިހަވަންދޫ ޕޮލިސް ސްޓޭޝަންގެ ފަރާތުން މިދިޔަ އޭޕްރީލް މަހު ފައްޓާފައިވާ ސިލްސިލާ ޕްރޮގްރާމްގެ 04 ވަނަ ބުރު ކުރިއަށް ގެންގޮށްފައި ވެއެވެ.

ޤާނޫނާއި ޤަވާޢިދުތަކަށް ޒުވާނުން އަހުލުވެރިކުރުވުމާއި އަދި ފުލުހުންނާއި ޒުވާނުންނާއިމެދުގައި އެކުވެރިކަން ޤާއިމްކުރުމާއި އިހަވަންދޫއަކީ ކުށްމަދު އެންމެންނަށް އަމާންތަނަކަށް ހެދުމުގެ މަޤުޞަދުގައި ކުރިއަށްގެންދާ ސިލްސިލާ ޕްރޮގްރާމްގެ 4 ވަނަ ބުރު މިމަހު 10 ވަނަ ދުވަހު 20:45 ން 22:30 ށް ކުރިއަށް ގެންގޮސްފައި ވަނީ ކާމިޔާބުކަމާއިއެކުގައެވެ.

މިސިލްސިލާގެ 4 ވަނަ ސެޝަންގައި ޤާނޫނު އަސާސީ އާއި ޤަނޫނާއި ޤަވާޢިދުތަކާއި އުސޫލަތަކާއި ހަމަތަކުގެ މައްޗަށް އަލިއަޅުވާލާ ޒުވާނުންނަށް މަޢުލޫމާތު ދީފައިވަނީ މާރާމާރީ އާއި ވައްކަމާއި ހިޔާނާތް އަދި ފެރުމާއި ބެހޭގޮތުންނާއި މަސްތުވާތަކެއްޗާއި ބެހޭ ޤާނޫނާއި ބެހޭގޮތުންނާއި ރާއްޖެއަށް ގެނައުން މުޅިން މަނާ ތަކެއްޗާއި ބެހޭގޮތުނާއި ޓްރެފިކް ޤަވާޢިދާ ޚިލާފަށް ޢާއްމުކޮށް ކުރާ ކުށްތަކާއި އެކުށްތަކަށް ކަނޑައެޅިފައިވާ އަދަބުތަކާއި ބެހޭގޮތުންނާއި ގޭންގް ކުށްތައް މަނާ ކުރުމާއި ބެހޭ ޤާނުނާއި ބެހޭގޮތުންނާއި ޢާއްމު އިޖްތިމާޢީ މިންގަނޑުތަކާއި ޚިލާފް ޢަމަލުތައް ހުއްޓުވުމުގެ ޤާނޫނާއި ބެހެގޮތުންނާއި ފުލުނުންނަށް ލިބިދީފައިވާ ބާރުތަކާއި ބެހޭގޮތުންނެވެ.

މީގެ އިތުރުން މަދަނީ ކުށާއި ޖިނާޢީ ކުށާއި ކުށްކުރަން އާދަވާ ސަބަބުތަކާއި ކުށްކުރުން އާދަވެއްޖެނަމަ ކުށުން ދުރުހެލިވުމަށްޓަކައި ކުރަންވީ ކަންތައްތަކާއި ބެހޭގޮތުން މަޢުލޫމާތު ދީފައިވެއެވެ.

މިއަހަރުގެ ކުޑަކުދިންގެ ދުވަސް ފާހަގަކުރުމުގެ ގޮތުން އިހަވަންދޫ ޕޮލިސް ސްޓޭޝަނާއި އިހަވަންދޫ މަދަރުސާއާއި ގުޅިގެން މިމަހު 11 ވަނަ ދުވަހު ވަނީ ތަފާތު ހަރަކާތްތަކެއް ކުރިއަށް ގެންގޮސްފައެވެ.

އިހަވަންދޫ ޕޮލިސް ސްޓޭޝަނާއި އިހަވަންދޫ މަދަރުސާގެ މުވައްޒަފުންނާއި އިހަވަންދޫ މަދަރުސާގެ ދަރިވަރުންނާއި އަދި ބެލެނިވެރިންގެ އެކުވެރިކަން ބަދަހިކުރުމުގެ މިހަވީރުގައި ތަފާތު ހަރަކާތްތައް ކުރިއަށް ގެންދެވިފައިވެއެވެ.

މިގޮތުން އިހަވަންދޫ ޕޮލިސް ސްޓޭޝަނާއި އިހަވަންދޫ މަދަރުސާއާއި ގުޅިގެން ކުރިއަށް ގެންދިޔަ ހަރަކާތްތަކުގެ ތެރޭގައި ޕޮޔަމް ކިއުމާއި، ސުވާލުބުރާއި، މިޔުޒިކަލް ޗެއަރ އަދި ދަރިފުޅުހޯދުން ކަހަލަ ކުޅިވަރުތަކާއި، ޕޮލިސް ޔުނީފޯމްގައި ފޮޓޯނެގުމާއި، އަދި އިހަވަންދޫ ޕޮލިސް ސްޓޭޝަންގެ މުވައްޒަފުން ތައްޔާރު ކޮށްފައިވާ ކުލަޖައްސާ ފޮތާއި ތަފާތު ހަދިޔާ ހަވީރުގެ ބައިވެރިންނަށް ބަހާފައި ވެއެވެ.

މިހަވީރުގައި އިހަވަންދޫ ޕޮލިސް ސްޓޭޝަންގެ ފަރާތުން ހިންގި ހަރަކާތްތަކަށް ހިންގުމަށް ރަށުގެ ވިޔަފާރިވެރިންނާއި އާއްމު ރައްޔިތުންގެ ވަރަށް ދީލަތި އެހީތަކެއް ލިބިފައިވާތީ އެފަރާތްތަކަށް އިހަވަންދޫ ޕޮލިސް ސްޓޭޝަންގެ މުވައްޒަފުންގެ ނަމުގައި ޝުކުރުއަދާކުރެ އެވެ.

އިހަވަންދޫގެ އާއްމު ރައްޔިތުންނާއި ފުލުހުނާއި ދެމެދު އޮންނަ ގުޅުން ބަދަހިކުރުމަށްޓަކައި އިހަވަންދޫ ޕޮލިސް ސްޓޭޝަނުން ކުރަމުންދާ ގިނަގުނަ މަސައްކަތްތަކުގެ ސަބަބުން ވަރަށް ރަނގަޅު ބަދަލުތަކެއް އަންނަމުންދާކަން ފާހަގަކުރެވޭ ކަމަށާއި މިފަދަ ގިނަ ހަރަކާތްތަކެއް މިމަހުގެ ތެރޭގައި ހއ. މާރަންދޫގައި ކުރިއަށްގެންދާގޮތަށް ހަމަޖެހިފައެވެ.

[Show as slideshow]

ބައިނަލްއަގުވާމީ ކުޑަކުދިންގެ ދުވަހުގެ މުނާސަބާގައި ހއ. މާރަންދޫ ޒުވާނުންގެ ޖަމިއްޔާގެ އަންހެން ވޮލީޓީމަކާއި އިހަވަންދޫ ކުލަބު ޕޯލްސްޓަރގެ އަންހެން ވޮލީ ޓީމަކާއި ދެމެދު ކުޅެވުނު މެޗު ސީދާ 3 ސެޓުން އިހަވަންދޫގެ ޓީމު ކާމިޔާބުކޮށްފިއެވެ.

މިދެޓީމު ބައްދަލުކުރި މެޗު އޮތީ މިއަދު ހަވީރު 4:00 ގައި ހއ. މާރަންދޫ އިރުމަތީފަރާތު އަތިރިމަތީގައެވެ. މިމެޗުގެ ސެޓުތައް އިހަވަންދޫގެ ޓީމުން ގެނެސްފައި ވަނީ 25-15 ، 25-13 ، އަދި 25-15 އިންނެވެ.

މިއަދުގެ މެޗު ކުރިއަށްދިޔައިރު އެސަރަހައްދުގައި އިހަވަންދޫ ޕޮލިސްސްޓޭޝަންގައި މަސައްކަތް ކުރައްވާ ފުލުހުން، ކުޑަކުދިންނަށް ހާއްސަކޮށްގެން ބަހައްޓާފައިވާ ސުޓޯލެއްގެ ހަރަކާތްތައް ކުރިއަށް ގޮސްފައި ވެއެވެ. މި ސުޓޯލުގައި ޕޮލިސް ޔުނީފޯމުގައި ފޮޓޯ ނެގުމުގެ ފުރުޞަތު ދިނުމުގެ އިތުރުން ކުޑަކުދިންނަށް ހަދިޔާ ބެހުންވެސް ކުރިއަށްގެންގޮސްފައި ވެއެވެ.

ބައިނަލްއަގުވާމީ ކުޑަކުދިންގެ ދުވަސް ފާހަގަ ކުރުމުގެ ގޮތުން އިހަވަންދޫ މަދަރުސާއިން އިންތިޒާމް ކޮށްގެން ކުޑަކުދިންގެ ހަވީރެއް ބާއްވައިފިއެވެ. މިއަދު ހަވީރު 4:15 އިން ފެށިގެން ކުރިއަށްދިޔަ ކުޑަކުދިންގެ ހަވީރުގެ ހަރަކާތްތައް ކުރިއަށް ގެންގޮސްފައިވަނީ އިހަވަންދޫ މަދަރުސާގެ ގޯތިތެރޭގައެވެ.

މިއަދުގެ މިހަވީރުގައި ގުރޭޑް 5 ން ފެށިގެން ދަށުގެ ކުލާސްތަކުގެ ގިނައަދަދެއްގެ ދަރިވަރުންނާއި ބެލެނިވެރިން ބައިވެރިވެފައި ވެއެވެ. ގުރޭޑް 1،2،3 ގެ ދަރިވަރުންގެ ޅެންކިއުމުގެ ބައެއް ހަރަކާތްތައް މިހަވީރުގައި ކުރިއަށް ގެންގޮސްފައި ވާއިރު، ކުރިއަށް އޮތީ ފުރަތަމަ ޓާރމުގެ ޓެސްޓު ކަމަށް ވާތީ ގުރޭޑް 4 އަދި 5 ގެ ދަރިވަރުންނަށް ހާއްސަ ސަބުޖެކުޓު ކުއިޒް އެއްވެސް މިއަދުގެ ހަވީރުގައި ކުރިއަށްގެންގޮސްފައި ވެއެވެ.

މިއަދު ބޭއްވި ކުޑަކުދިންގެހަވީރުގައި އިހަވަންދޫ ޕޮލިސް ސްޓޭޝަނުންވެސް ޚަރަކާތްތަކެއް ކުރިއަށްގެންގޮސްފައި ވެއެވެ. މިގޮތުން ޕޮލިސް ޔުނީފޯމުގައި ފޮޓޯނެގުމުގެ އިތުރުން ހަދިޔާ ބެހުމާއި ކުޑަކުދިންނާއި ގުޅޭ ފޮތްތަކެއް ކުޑަކުދިންނަށް ބެހުން ހިމެނެއެވެ.

[Show as slideshow]

12►

ލ.ފޮނަދޫ ނެރާ ދިމާ ބޭރުގައި އޮތް ތެޔޮ އުފުލާ ދޯންޏެއްގައި އަލިފާނުގެ ޚާދިސާއެއް ހިނގައިފިއެވެ. ފުލުހުން ހާމަކޮށްފައިވާ ގޮތުގައި މިޚާދިސާގެ ހިނގާފައިވާ ކަމުގެ މަޢުލޫމާތު ފުލުހުންނަށް ލިބިފައިވަނީ މިއަދު 15:20 ހާއިރު އެވެ.

މިޚާދިސާގައި 03 މީހަކު ފިހިގެން ފަރުވާ ދިނުމަށްޓަކައި ލ.ގަން ރީޖަނަލް ހޮސްޕިޓަލަށް ވަނީ ގެންދެވިފައެވެ. މި 3 މީހުންގެ ތެރެއިން 2 މީހަކު ވަރަށް ބޮޑަށް ފިހިފައިވާކަމުގެ މަޢުލޫމާތު ލިބިފައިވެއެވެ.

މި ދޯނީގައި ރޯވެފައިވާ އަލިފާން ނިއްވުމުގެ މަސައްކަތް އެމް.އެން.ޑީ.އެފް އާއި ފުލުހުން ގުޅިގެން ދަނީ ކުރަމުންނެވެ. ގަމު ރީޖަނަލް ހޮސްޕިޓަލް ހިންގުމާ ހަވާލުވެ ހުންނެވި އަހުމަދު ސަމަދު އާއި ހަވާލާދީ ސަން އޮންލައިންގައިވާގޮތުގައި އަލިފާން ރޯވި ދޯނީގައި ހަތަރު މީހުން ތިބިކަމުގައި ވިޔަސް ހޮސްޕިޓަލަށް ގެނައީ ތިން މީހުން ކަމަށެވެ. އެއީ ދިވެއްސަކާއި ބަނގުލަދޭޝްގެ ދެ މީހުން ކަމަށާއި ފިހުނު ދިވެހި މީހާގެ 25 ޕަސެންޓް ފިހިފައިވާ އިރު ބަނގުލަދޭޝް ދެ މީހުންގެ 35 ޕަސެންޓް ފިހިފައިވާ ކަމަށް ޑޮކްޓަރު މައުލޫމާތު ދެއްވާފައިވާ ކަމަށެވެ.

ޓްރެފިކް ޕޮލިހުން މާލޭ މަގެއްގެ މަތީ ފޯރިމަރަނީ

ޓްރެފިކް ވައިލޭޝަނާއި ޚިލާފްވެ ފުލުހުންގެ އަމުރަށް ނުކިޔަމަންތެރިވެގެން ޓްރެފިކް ޕޮލިހަށް ގެންދިޔަ މީހަކު މާރާމާރީ ހިންގުމުގެ ސަބަބުން 4 ފުލުހަކަށް އަނިޔާވެއްޖެއެވެ. ފުލުހުން ހާމަކޮށްފައިވާ ގޮތުގައި ރޭ ދަންވަރު 01:15 ހާއިރު މަޖީދިއްޔާ ސްކޫލް ކައިރީގައި ހުންނަ ޓްރެފިކް ލައިޓް ރަތްވެފައި ހުއްޓާ ސައިކަލުގައި ދުއްވާފައި ދިޔުމުން ޓްރެފިކް ޕޮލިހަށް ގެންދިޔުމުން  ހިންގި މިމާރާމާރީގައި އަނިޔާވެފައިވަނީ އެވަގުތު ޓްރެފިކް ޕޮލިސްގައި ޑިއުޓީގައި ތިބި 4 ފުލުހަކަށެވެ.

ފުލުހުންނަށް ހަމަލާދީ މާރާމާރީ ހިންގުމުގެ ސަބަބުން އެއްފުލުހެއްގެ ބޯ ފަޅައިގެން ގޮސް އަތުގެ އުޅަނބޮށި މަތިން ބޮޑު ތަނެއް ޒަޚަމްވެ ފައިގެ ކަށިމަތިން ބޮޑުތަނެއް ޒަޚަމްވެފައިވާ ކަމަށް ފުލުހުން ވަނީ ހާމަކޮށްފައެވެ. އަދި އަނެއް 3 ފުލުހުންނަށްވެސް އެކިވަރުގެ އަނިޔާ ލިބިފައި ވާކަމަށް ފުލުހުން ހާމަކުރެއެވެ. އަނިޔާވި ފުލުހުންނަށް އައި.ޖީ.އެމް ހޮސްޕިޓަލުގައި ފަރުވާ ދިނުމަށްފަހު މިހާރުވަނީ ދޫކޮށްލާފައެވެ.

ރޭ ދަންވަރު ޓްރެފިކް ވައިލޭޝަންއާއި ހިލާފުވެގެން ޓްރެފިކް ޕޮލިހަށް ގެންގޮސްފައި ހުއްޓާ މާރާމާރީ ހިންގާފައިވަނީ ދަފްތަރު ނަންބަރު 33 މުޙައްމަދު ޝާމިން (52އ) އެވެ. މިމައްސަލަ މޯލްޑިވްސް ޕޮލިސް ސާރވިސް ދަނީ ތަޚްޤީޤްކުރަމުންނެވެ.

ދިވެހިބަހަކީ ދިވެހިންގެ ބަހެވެ. ދިވެހިންނީ ކޮންބައެއްކަން އަންގައިދޭ ނިޝާނެވެ. ދިވެހިންގެ ރަސްމީ ސިއްކަ އެވެ. ވީއިރު ދިވެހި ބަސް ހިމާޔަތްކޮށް އެބަސް ނެގެހެއްޓުމަށް މަސައްކަތްތަކެއް ކުރުމީ ދިވެހި ކޮންމެ ދަރިއެއްގެ ބޮލުގައި އެޅިފައި އޮތް ޤައުމީ ވާޖިބެކެވެ. މި ވާޖިބު ފުރިހަމަ ގޮތުގައި އަދާކުރެވޭނީ ދިވެހިބަހަށް ޝައުޤުވެރިވާ، ދިވެހިބަސް ދެކެ ލޯބިވާ ޖީލެއް އުފެއްދިގެންނެވެ. އެފަދަ ޖީލެއް ބިނާކޮށްގެންނެވެ. ދިވެހިބަހަށް ޝައުޤުވެރި ޖީލެއް ބިނާކުރުމަށް ތަފާތު އެކިކަހަލަ ހަރަކާތްތަކެއް ރާވާ ހިންގިދާނެ އެވެ. މިގޮތުން، ބަހުގެ މުހިއްމުކަން ވިސްނައިދިނުމާއި، ބަހުގެ އުފެއްދުންތެރިކަން އާލާކުރުމާއި، ފޮތް އިތުރުކުރުމާއި، ދިވެހިބަހުގެ އަދަބިއްޔާތަށް އަހުލުވެރިކުރުމާއި، ބަހަށް ކުޑަކުދިންނާއި ޒުވާނުން ލޯބިޖައްސާ ޒަމާނީ ވަސީލަތްތަކަށް ބަސް ފައްކާކުރުން ފަދަ ތަފާތު ކަންކަން ރާވާ ހިންގިދާނެ އެވެ. މިފަދަ ކަންކަން ރާވާ ހިންގިއްޖެ ނަމަ ބަހަށް ލޯބިކުރާ ޖީލެއް އުފެދިގެން ދާނެކަމަށް ޤަބޫލުކުރެވެ އެވެ.

ދިވެހިބަހަށް ޝައުޤުވެރިވާ ޖީލެއް ބިނާކުރުމަށްޓަކައި ކުރަން ޖެހޭ އެންމެ މުޙިއްމުއެއް ކަމަކީ ދިވެހިބަހަކީ ކިހާ ބޭނުންތެރި ކިހާ މުޙިއްމު ބަހެއްކަން ދިވެހިންނަށް، ޚާއްޞަކޮށް އަދުގެ ޅަދަރީންނަށް ވިސްނައި ދިނުމެވެ. މިކަންކުރެވޭނީ ދިވެހިބަސް ދިވެހިންނަށް މުޙިއްމުވަނީ ކީއްވެގެންކަން އަންގައިދީގެންނެވެ. އަމިއްލަބަހަކުން މޮށެއުޅުމުގެ މަތިވެރިކަމާއި ފަޚުރުވެރިކަން އަމިއްލައަށް އިޙްސާސް ކުރުވައިގެންނެވެ. އަމިއްލަ އަޑުތަކަކާއި އަމިއްލަ އަކުރަކާއި އަމިއްލަވަންތަ އުޞޫލުތަކެއް ބަހުގައި ހިމެނޭކަން ސާބިތުކޮށްދީގެންނެވެ. ދިވެހިބަހަކީ ބަހަވީ ހަމަތަކަށް ތަބާވާ ބަހަވީ ހަމަތަކުގެ މަތިން އުފެދިބޮޑުވެ، ތަރައްޤީވަމުންދާ ނަމޫނާ ބަހެއްކަން ދިރާސާކުރުވައި އެކަން ކިޔަވަދީގެންނެވެ. އެހެން ޢިބާރާތަކުން ދަންނަވަނީ ނަމަ މާދަރީ ބަހެއްގެ މުހިއްމުކަން ދިވެހިންނަން ވިސްނަދީ، ދިވެހިންގެ މާދަރީބަސް ކަމުގައިވާ ދިވެހިބަހަކީ ‘ކަޑަ’ ބަހެއް ނޫންކަން ދިވެހިންނަށް ޤަބޫލުކުރެވޭނެ ހެކިތައް ދިވެހިބަހުގެ ތެރެއިން ނެރެ ހާމަކޮށްގެންނެވެ. މިގޮތަށް، ކަންކުރެވިއްޖެ ނަމަ ދިވެހި ފަސްގަނޑަށް އުފަންވެ ނެތިދާ ކޮންމެ ޖީލެއް ވެގެންދާނީ ދިވެހި ބަސްދެކެ ލޯބިވާ ބަސްކުރިއަރުވަން މަސައްކަތްކުރާ ޖީލުތަކަކަށެވެ.

ބަހުގެ އުފެއްދުންތެރިކަން އިތުރުކުރުމަށް އުފެއްދުންތެރި ލިޔުންތެރިން އިތުރުކުރުމީ ބަހަށް ޝައުޤުވެރި ޖީލެއް ބިނާކުރުމަށް ކުރެވިދާނެ ކަމެކެވެ. މިގޮތުން، މިހާރުވެސް ފޮތް އުފެއްދުމުގައި ހަރަކާތްތެރިވާ ފަރާތްތަކުގެ މަސައްކަތުގެ އަގުވަޒަން ކުރުމުގެ ގޮތުން އެފަރާތްތަކަށް ހިތްވަރު ދިނުމުގެ ތަފާތު ކަންކަން ރާވާ ހިންގިދާނެ އެވެ. މިގޮތުން ކުރެވިދާނެ އެއްކަމަކީ ލިޔުންތެރިންނަށް އަމާޒުކޮށްގެން ޤައުމީ ފެންވަރުގެ އެވޯޑު ދިނުމުގެ ޙަފްލާއެއް ބޭއްވުމެވެ. މީގެއިތުރުން، ދިވެހި ލިޔުންތެރިންނަށް ދިމާވާ ގޮންޖެހުންތަކަކީ ކޮބައިތޯ ބެލުމަށާއި ލިޔުންތެރިކަމުގެ އައު ޖީލެއް ބިނާކުރުމަށް ޤައުމީ ފެންވަރުގެ ހަރަކާތްތަކެއް ރާވާ ހިންގިދާނެ އެވެ. މިގޮތުން، ޤައުމީ ފެންވަރުގެ މަހާސިންތާތައް ބޭއްވުމާއި އެ މަހާސިންތާތަކުގައި ނިންމާ ނިންމުންތައް ތަންފީޒުކުރުމުގެ ހަރަކާތްތައް ކަމާބެހޭ ވުޒާރާއިން ކުރިއަށް ގެންދެވިދާނެ އެވެ. އޭރުން އައުލިޔުންތެރިން އުފެދުމުގެ ފުރުޞަތު ފަހިވެގެން ގޮސް މިހާރުވެސް މިކަމުގައި ހަރަކާތްތެރިވާ ފަރާތްތަކަށް އިތުރު ހިތްވަރަކަށް މިކަންކަން ވެގެން ދާނެ އެވެ. އާޚިރު ނަތީޖާއަކަށްވާނީ އުފެއްދުންތެރި ލިޔުންތެރިކަމެއް މި ވުޖޫދަށް އުފަންވުމެވެ.

ބަހަށް ޝައުޤުވެރިވާ ޖީލެއް ބިނާކުރުމަށްޓަކައި އެކަމަށް ބޭނުންވާނޭ ފޮތް އިތުރުކުރުމަށް ކުރެވިދާނެ ކަމަކީ ބޭރުގެ އެކިބަސްބަހުން ލިޔެފައިވާ ފޮތްތައް ދިވެހިބަހަށް ތަރުޖަމާ ކުރުމެވެ. މިގޮތުން، ތަފާތު އެކި ދާއިރާތަކުން ބޭރުގެ އެކިއެކި ފިލޯސަފަރުންނާއި އަދީބުން ލިޔެ ޝާއިޢުކޮށްފައިވާ މަޤުބޫލު ފޮތްތައް ދިވެހިބަހަށް ގެނެވިދާނެ އެވެ. ސިޔާސީ، އިޖުތިމާއީ، ދީނީ، ސަގާފީ، ޢިލްމީ ފޮތްތަކާއި މައުލޫމާތު ހިމެނޭ އެކުމާފާނުތައް ދިވެހިބަހަށް ތަރުޖަމާ ކުރެވިދާނެ އެވެ. ހަމައެހެންމެ، ފޮތްލިޔުމާއި ތަރުޖަމާކުރުމުގެ މުބާރާތްތަކާއި، ފޮތް ލިޔެ ތަރުޖަމާކުރާ ފަރާތްތަކަށް އަމާޒުކޮށްގެން ހިތްވަރުދިނުމުގެ އެކި ކަހަލަ ޕްރޮގުރާމުތައް ރޭވިދާނެ އެވެ. މިފަދަ ފަރާތްތަކުގެ ފޮތްތަކުގެ އަގުއެރުވުމަށްޓަކައި ކަމާބެހޭ ވުޒާރާތަކުން ޓީވީ ސޯވތައް ކުރިއަށް ގެންދެވިދާނެ އެވެ. އޭރުން އެފަދަ ފޮތްތަކަށް އާއްމުން ސަމާލުވެ ފޮތްތަކުގެ އަގުއަރައިގެން ދާނެ އެވެ. މިގޮތަށް ހަދާލެވިއްޖެ ނަމަ ފޮތްތެރިކަން އިތުރުވެ ބަހަށް ޝައުޤުހުންނަ ޖީލެއް ބިނާކުރެވޭނެ ކަމަށް ޤަބޫލުކުރެވެ އެވެ.

 ދިވެހިބަހާ ގުޅޭ ވުޒާރާއިން ފޮތް އުފެއްދުމަށް ޚާއްޞަ ކޮމެޓީއެއް ނުވަތަ އެފަދަ ޖަމާއަތެއް އެކުލަވައިލުމީ ފޮތްތައް އިތުރުކުރުމަށް ކުރެވިދާނެ ކަމެކެވެ. މި ކޮމެޓީގައި މިހާރުވެސް ފޮތް އުފެއްދުމުގައި ހަރަކާތްތެރިވާ ފަރާތްތައް ހިމެނިދާނެ އެވެ. އަދި ފޮތް އުފައްދާ ފަރާތަށް އުފައްދާ ކޮންމެ ފޮތަކަށް ރަނގަޅު އުޖޫރައެއް ލިބޭނޭ މަގުފަހިކޮށްދީ، ފޮތް އުފައްދަން މަގުފަހިކޮށްދީ، އުފައްދާ ފޮތްތައް ޝާއިޢުކުރުމަށް މަގުތަނަވަސްކޮށްދީ އެފަދަ އުފެއްދުންތަކުގެ އަދަބީ އަގު އެރުވުމަށް މަސައްކަތްތަކެއް ކުރެވިދާނެ އެވެ. މިފަދަ ގޮތަކަށް ކަންކަން ފަހިކުރެވިއްޖެ ނަމަ ދިވެހި ފޮތްތަކުގެ އަގުއަރާ ޝާއިޢުކުރެވޭ ފޮތުގެ އަދަދު އިތުރުވެގެން ދާނެ އެވެ. މިކަމުގެ ސަބަބުން ކިޔާނެ ދިވެހި ފޮތްތަކެއް ނެތިގެން ދިވެހިބަސް ދެކެ ފޫހިވާ ފަރާތްތަކުގެ އަދަދު މަދުވެ ބަހަށް ލޯބިކުރާ ބަޔަކު އުފެދޭނެކަމަށް ޤަބޫލުކުރެވެ އެވެ.

ދިވެހިބަހުގެ އަދަބީ ޤުލްޝަން ތާޒާކުރުމީ ބަހުގެ އުފެއްދުންތެރިކަން އިތުރުކުރުމަށް ކުރެވިދާނެ ކަމެކެވެ. ދިވެހިބަހަކީ ފުރިހަމަ އަދަބިއްޔާތެއް ލިބިވާ ބަހެކޭ ބުނެ ފަރުޖައްސާލައިގެން ތިބެވޭކަށް މިއަދަކު ނެތެވެ. ބަހުގެ އަދަބިއްޔާތުގައި ހުރި މުއްސަނދި ބަހާތައް ނެތިގެން ދާތީ އެވެ. އެހެނީ، ދިވެހި ދީބުގައި މިހާރު ރައިވަރާއި، ފަރިއްސާއި، އަންބާ އަދި ކާ ފަދަ ތަކެތީގެ އަޑު ފަނޑުވެއްޖެ އެވެ. މިތަކެތި އުފައްދާ ޅެންވެރިންގެ ޢަދަދު އިނގިލިން ގުނާލެވޭހާ މަދުވެއްޖެ އެވެ. ބަހަށް ޝައުޤުވެރި ޖީލެއް ބިނާކުރަން ބޭނުންނަމަ އަދަބިއްޔާތުގެ ބައިތަކަކީ އެބައިތަކަކަށް ޒުވާން ޖީލު އަހުލުވެރިކުރުވަން އެންމެ ފަސޭހަ ބަޔަކަށް ވެގެންދާނެ ބައެކެވެ. މިކަން ކުރުމަށްޓަކައި ޒުވާނުންނަށް އަމާޒުކޮށްގެން ތަފާތު ޕްރޮގުރާމުތައް ރާވާ ހިންގިދާނެ އެވެ. ޅެންވެރިކަމުގެ ބާވަތްތައް އުފައްދަން ދަސްކޮށްދޭނެ ކުރުމުއްދަތުގެ ކޯސްތަކާއި ތަމުރީނު ޕްރޮގުރާމުތަކެއް ރާވާހިންގި ދާނެ އެވެ. ހަމައެހެންމެ، މަތީ ތައުލީމަށް ކިޔަވައިދޭ ޔުނިވަރސިޓީތަކާއި ކޮލެޖު ފަދަ ތަންތަނުގައި ކުރިއަށްގެންދާ ކޯސްތަކުގައި ކިޔަވާ ދަރިވަރުން، ކޮންމެ ކޯހެއް ހެދިކަމުގައި ވިޔަސް ކިޔަވަންޖެހޭ މަޖުބޫރު މާއްދާއެއްގެ ގޮތުގައި “ޅެންވެރިކަން” ހަމަޖެއްސިދާނެ އެވެ. އޭރުން، ބަހުގެ ޢިލްމީ ޚަޒާނާ އިތުރުވެގެން ދާނެ އެވެ. އަދި މަތީތައުލީމު ޙާޞިލުކޮށް ޤައުމަށް ޚދިމަތްކުރަން ނުކުންނަ ކޮންމެ ދަރިވަރަކީ ދިވެހިޅެންވެރިކަމަށް އަހުލުވެރި ޅެންވެރިކަމަށް ލޯބިކުރާ ކުއްޖަކަށް ވާނެކަމަށް ޤަބޫލުކުރެވެ އެވެ.

އިނގިރޭސި ބަހުގައި އަދައްބިއްޔާތުގެ ބައިތައް ވަކިކޮށްފައި އޮންނަ ބީދައިން، ދިވެހި ބަހުގައިވެސް “ޅެންވެރިކަން” ނުވަތަ “އަދަބިއްޔާތު” ވަކިކޮށް މަދަރުސާތަކުގައި ކިޔާވާ މާއްދާއެއްގެ ގޮތުގައި ހަމަޖެއްސުމީ ދިވެހިޅެންވެރިކަމަށް ދިރުން ގެނައުމަށް ކުރެވިދާނެ ކަމެކެވެ. މި މާއްދާއަކީ ޤައުމީ ފެންވަރުގައި އިމްތިޙާނުކުރެވޭ މާއްދާއަކަށް ހެދިދާނެ އެވެ. މީގެއިތުރުން، މި މާއްދާއާ ގުޅުންހުރި އިތުރު ކޯސްތައް އުފައްދާ އެ ދާއިރާއިން އިތުރަށް ކުރިއަށް ދެވޭނެ މަގުތައް ފަހިކޮށްދެވިދާނެ އެވެ. މިފަދަ ގޮތަކަށް ކަންކުރެވިއްޖެ ނަމަ ދިވެހި ޅެންވެރިކަމުގެ މައްޗަށް ކުރެވޭ ޢިލްމީ ދިރާސާތައް އިތުރުވެ ޅެންވެރިކަމުގައި ހުރި މުއްސަނދިކަން އަމިއްލައަށް ވަޒަންކުރުމުގެ ފުރުޞަތު ދިވެހި ދަރިވަރުންނަށް ފަހިވެގެން ދާނެ އެވެ. ނަތީޖާއެއްގެ ގޮތުން، ޅެންވެރިކަމަށް ދިރުންލިބި، “ބޮކިފުރާޅުއަލި”ން ޒީނަތްވެފައިވާ ޅެންވެރިކަމުގެ ގުލްޝަން ތާޒާވެ “އަލިފުޅާއި ބަކަރި” އާ އެކު އަމާން މަންޒިލަކަށް ދިޔުމުގެ މަގު ފަހިވެގެންދާނެ އެވެ. މިކަމުން ބަސްދެކެ ލޯބިވާ ބަހަށް ޝައުޤުވެރިވާ ހިތްތަކުގެ އަދަދު އިންތިހާއަށް އިތުރުވެގެން ދާނެ އެވެ.

އަދުގެ ޅަ ދަރީންނަކީ މާދަމާގެ ޒުވާނުންނެވެ. ޅަދަރީން ހާނުވާއިރު އެކުދިންގެ ސިކުނޑިއަށް ވެއްދޭ އެއްޗެއް އުމުރަށް ހަރުލާ ހުންނާނެކަމަށް ބަހުގެ ޢިލްމުވެރިންނާއި ބަހަވީ އެކިއެކި ފަންނުވެރިން ހާމަކުރައްވަ އެވެ. ދިވެހި ތުއްތު ކުދިންގެ އުފަންދުވަސް ފާހަގަކުރުމަށް އަޅުގަނޑުމެންނަށް ކިޔާލެވެނީ “ހެޕީ ބާތުޑޭ” ލަވަ އެވެ. ނުވިތާކަށް ނާސަރީ ކުލާސްތަކަށް ދާއިރު ކިޔުއްވެނީ “ޓުވިންކަލް ޓުވިން ކަލް” ފަދަ ލަވަތަކެވެ. މިވަރުން ފުދުނީކީ ނޫނެވެ. ދަރިފުޅަށް އެންމެ މަޤުބޫލު އެއްޗަކަށް މައިން ބަފައިންނަށް ހެދެނީ “ޓޮމް އެންޑް ޖެރީ” ފަދަ އިނގިރޭސި ބަހުން އަޑުއަޅާފައިވާ ކާޓޫނު ތަކެވެ. މި ފަދަ ތަކެތީގެ ބަދަލުގައި ދިވެހިބަހުން އުފެއްދުންތައް އުފައްދާ އަދުގެ ޅަ ދަރީންނަށް އިއްވާ ދެއްކިދާނެ އެވެ. ދިވެހިން ކިޔައި އުޅުނު “ސަންތި މަރިޔަނބު” ވާހަކަ އާއި “ފޫޅު ދިގު ހަންޑި” ވާހަކަތަކަށް ކާޓޫނުތައް އުފެއްދިދާނެ އެވެ. ޢިބްރަތްތެރި ވާހަކަތަކާއި ކުދިން ނިންދަވާށާއި މުނިފޫހިފިލުވަން ބޭނުންކުރި ކުޑަކުދިންނާއި ގުޅޭ ރައިވަރު، ޅެން، އަންބާ، ފަރިހި އަދި ބަނދި ފަދަ ތަކެތި ނާސަރީ ކުލާސްތަކުގައި ކިޔައިދެވޭ ގޮތަށް ތައުލީމީ މަންހަޖު އިސްލާހުކުރެވިއްޖެ ނަމަ އެންމެ ތުއްތު އިރުންސުރެ ކުއްޖާއަށް ބަހަށް ޝައުޤުވެރިވާނެ އެވެ. އޭރުން އެ ކުދިން ބޮޑެތިވެގެން އަންނާނީ ބަސްދެކެ ލޯބިވާ ބަހަށް އިޙްތިރާމުކުރާ ދަރީން ތަކެއްގެ ގޮތުގަ އެވެ.

ޒުވާނުން ކަމަކަށް އިޙްމާލު ކުރެވިއްޖެ ނަމަ އެ ކަމެއް ނަގަހައްޓާ ދެމެހެއްޓުމަކީ ވަރަށް ދަތި އުނދަގޫ ކަމަކަށް ނޫނީ ނުވާނެ އެވެ. ދިވެހިބަހަށް ޝައުޤުވެރިވާ ޒުވާން ޖީލެއް ބިނާކުރުމަށް ތަފާތު ކަންތައްތަކެއް ރާވާހިންގި ދާނެ އެވެ. މިގޮތުން، ތަފާތު ނަންނަމުގައި ޓީވީ ޗެނަލްތަކުން ބާއްވަމުންދާ ލަވަ މުބާރާތުގެ ތެރެއަށް، ލަވައިގެ އިތުރުން ޅެންވެރިކަމުގައި ހިމެނޭ އެހެނިހެން ބައިތައް އިތުރުކޮށް އިތުރު ބައިތަކެއް ހިމެނިދާނެ އެވެ. މިސާލަކަށް “ވޮއިސް އޮފް މޯލްޑިވްސް”، “ރާއްޖެ ރަންއަޑު” އަދި “ވީޓީވީ މޯލްޑިވް އައިކަން” ގެ ނަމުގައި ބާއްވަމުންދާ ލަވަމުބާރާތަކަށް ރައިވަރާއި، ބަނދި، ފަރިހި ފަދަ ތަކެތި ކިޔުމުގެ ބައެއް އިތުރުކޮށްލެވިދާނެ އެވެ. ނޫންނަމަ އެފަދަ ތަކެތި ކިޔުމަށް ވަކި ޚާއްޞަ މުބާރާތްތަކެއް ރާވާ ހިންގި ދާނެ އެވެ. ހަމައެހެންމެ، ޒުވާނުންނާ ގުޅޭ ބަހުގެ ޕްރޮގުރާމުތައް ޓީވީ ޝޯވތަކުގެ ގޮތުގައި ކުރިއަށް ގެންދެވި އެވެ. މިސާލަކަށް ބަހުސް މުބާރާތްފަދަ މުބާރާތްތައް ރާވާ ހިންގިދާނެ އެވެ. މީގެއިތުރުން، ސިޔާސީ ކަންކަމަށް ޒުވާނުން އަހުލުވެރިކުރުވުމަށާއި މަޖިލީހަށް ބޭނުންވާ ދޫހެލޭ ޢިލްމީ ޒުވާން މެންބަރުން ތައްޔާރުކުރުމުގެ ގޮތުން މަޖިލީހުގެ ކަންކަމަށް ރިއާޔަތްކޮށްގެން މާދިރީ މަޖިލީހުގެ ގޮތުގައި ޒުވާނުންނަށް ޚާއްޞަ ވާހަކަދެއްކުމުގެ މުބާރާތްތައް ކުރިއަށް ގެންދެވިދާނެ އެވެ. ހަމަ އެހެންމެ ދިވެހިބަހުގެ ކާނިވާތައް ފަދަ ކާނިވާތައް ކުރިއަށް ގެންދެވިދާނެ ކަމަށް ޤަބޫލުކުރެވެ އެވެ. މިފަދަ ގޮތަކަށް ކަންކުރެވިއްޖެނަމަ ޒުވާނުންގެ ލޯބި ބަހާމެދު އުފެދި ބަހަށް ލޯބިކުރާ ޒުވާން ޖީލެއް ބިނާކުރެވޭނެ އެވެ.

ޒަމާނީ ވަސީލަތްތަކަށް ދިވެހިބަސް ފައްކާކުރުމީ ދިވެހިބަހަށް ޝައުޤުވެރި ޖީލެއް ބިނާކުރުމަށް ކުރެވޭނެ އެއްމެ މުހިއްމު އެއްކަމެވެ. އެހެނީ، މި ޒަމާނަކީ ޓެކުނޮލޮޖީގެ ޒަމާނެވެ. ޓެކުނޮލޮޖީގެ މައިގަނޑު ވަސީލަތްތަކާ ނުލައި މިއަދު މިވަނީ އުޅުމަށް ދަތިވެފަ އެވެ. މިގޮތުން، ކޮންމެ މީހަކީ މޯބައިލް ފޯނެއް ބޭނުން ކުރާ މީހެކެވެ. މޯބައިލްގެ ޚިދުމަތްދޭ ކުންފުނިތަކާ ގުޅިގެން ތާނައިން މެސެޖު ކުރެވޭނެ އިންތިޒާމު ހަމަޖެއްސި ދާނެ އެވެ. މިހާރުވެސް މިފަދަ ސޮފްޓްވެއަރތައް އުފައްދާފައިވާކަން ފާހަގަ ކޮށްލެވެ އެވެ. ނަމަވެސް، ބޭނުން ކުރާ މީހުންގެ އަދަދު ނުހަނު މަދެވެ. މިފަދަ ޕްރޮގުރާމްތައް ބޭނުންކުރާ މިންވަރު އިތުރުކުރުމަށް މުވާސަލާތީ ޚިދުމަތްދޭ ކުންފުނިތަކުގެ އިޖުތިމާއީ ކަންކަމަށް ކުރާ ޚަރަދެއްގެ ގޮތުން ތާނަ އިން މެސެޖު ކުރާނަމަ ހިލޭ ނުވަތަ އަގުހެޔޮކޮށް މެސެޖު ކުރެވޭނެ އިންތިޒާމެއް ބަހުގެ ވުޒާރާ މެދުވެރިވެގެން ކުރެވިދާނެ އެވެ. ހަމައެހެންމެ، ދިވެހިބަސް ލިޔުމަށް ބޭނުންކުރާ ތާނަ އަކުރު މޯބައިލް ފޯނަށް ތަޢާރަފުކުރެވިދާނެ އެވެ. އޭރުން، އިނގިރޭސި ބަހުގެ ބަދަލުގައި ދިވެހިންނަށް ދިވެހިބަސް މޯބައިލްއިން ބޭނުންކުރެވޭނެ އެވެ. މީގެއިތުރުން، ދިވެހިބަހުން ލިޔާލިޔުންތަކުގެ ޤަވާއިދުގެ މައްސަލަތަކާއި ބަހުގެ ހަމަތަކާ ޚިލާފަށް ލިޔެވުމުން އެކަން ފާހަގަވާ ފަދަ ކޮންޕިއުޓަރު ޕްރޮގުރާމް ނުވަތަ ސޮފްޓްވެއަރތައް އުފެއްދިދާނެ އެވެ. މިގޮތަށް ހެދިއްޖެ ނަމަ ކޮންޕިއުޓަރުން ލިޔެ ޝާއިޢުކުރާ ލިޔުންތަކަކީ ބަހުގެ ހަމަތަކަށް ފެތޭ ބަހުގެ ޤަވާއިދާ އެއްގޮތަށް ލިޔެވިފައިވާ ލިޔުންތަކަކަށް ވާނެއެވެ. އޭރުން، ދިވެހިބަހަކީ ފަސޭހަ ބަހެއްކަން ދިވެހިންނަށް ވަޒަންކުރެވި ބަހާމެދު މިހާރު އޮތް ނަފުރަތު ފިލައިގެން ދާނެ އެވެ.

  ދިވެހިބަހަށް ލޯބިކުރާ ދިވެހިބަހަށް ޝައުޤުވެރި ޖީލެއް ބިނާކުރުމަށް ތަފާތު އެކިކަހަލަ ޕްރޮގުރާމްތައް އެކި ފެންވަރުގައި ރާވާ ހިންގިދާނެ އެވެ. މިގޮތުން، ފޮތް އަލަމާރި މުއްސަނދިކުރުމާއި، ބަހުގެ އުފެއްދުންތެރިކަން އާލާކުރުމާއި، ޒުވާނުންނާއި ކުޑަކުދިން ދިވެހިބަހަށް އަހުލުވެރިކުރުވުމާއި، ޒުވާނުން އަދަބިއްޔާތަށް އަހުލުވެރިކުރުމުގެ އިތުރުން ޒަމާނީ ވަސީލަތްތަކަށް ބަސް ފައްކާކުރުން ފަދަ ތަފާތު ކަންކަން ރާވާ ހިންގިދާނެ އެވެ. ހަމައެހެންމެ، އަމިއްލަ މާދަރީ ބަހަކީ ކިހާ މުހިއްމު އެއްޗެއްކަން ވިސްނައިދީ ބަހާމެދު ލޯބި އުފެއްދި ދާނެ އެވެ. މިގޮތަށް ކަންކުރެވިއްޖެ ނަމަ ދިވެހިބަސް ދެކެ ލޯބިވާ ބަހަށް ޝައުޤުވެރިވާ ޖީލެއް އުފެދި، “އަމީނީ އަދަބީ ޒަމާން”ފަދަ ބަހުގެ ޒަމާނެއް ދިވެހި ދީބުން އުދެވެގެން ހިނގައި ދާނެކަމަށް ޤަބޫލުކުރެވެ އެވެ.